Kristallnaach


Es kütt vüür, dat ich mein, dat jet klirrt,
e Jeräusch, nit ens laut
manchmol klirrt es vertraut
selden su, dat mer't direk durchschaut
Mer weed wach, rief die Aure un sieht
en'nem Bild zweschen Breughel un Bosch
kei Minsch, dä öm Sirene jet jitt
weil Entwarnung nur half su vill koss
et'rüsch noh Kristallnaach
En der Ruhe vür'm Sturm, wat ess dat?
Janz klammheimlich verlööß wer die Stadt
Honoratioren inkognito
hasten vorbei,
offiziell sinn die nit jähn dobei,
wenn die Volkssseele - allzeit bereit
Richtung Siedepunkt wütet un schreit
"Heil - Halali" un grenzenlos geil
noh Vergeltung brüllt, zitternd vor Neid
in der Kristallnaach
Doch die allles wat anders ess stührt,
die mem Strom schwemme, wie?t sich jehührt
Ausländer Aussattz sinn
bruchen wer, der se verführt
Un dann rettet kein Kavallerie,
kein Zorro kömmert sich dodrömm
Dä piss höchstens e "Z" en der Schnie
un fällt lallend vüür Lässigkeit öm;
"Na un? - Kristallnaach!"

En der Kirch met dä Franz Kafka-Uhr,
ohne Zeiger, met Striche drop nur
ließ ne Blinde nem Taube
Strubbelpeter vüür
hinger dreifach verriejelter Düür
Un dä Wächter ?mem Schlüsselbund hällt
sich em Ähnz für jet wie e Jenie,
weil'er Auswege pulverisiert
un verkäuf jäjen Klaustrophobie
en der Kristallnaach
Währenddessen am Maatplatz vielleich,
unmaskiert, hück mem wohre Jeseech,
sammelt Stein, schlief et Mezz,
op die, die schon verpezz
probt dä Lynch-Mob für't jüngste Jereech
Un zem Laade nur flüchtig vertäut
- die Galeeren stohn längs unger Dampf -
weet em Hafen op Sklaven jewaat,
op dä Schrott uss dämm ungleiche Kampf
us der Kristallnaach
Do, wo Darwin für alles herhällt,
ob mer Minsche verdriev oder quält
do, wo hinger Macht Jeld ess,
wo stark sinn die Welt ess,
vun Kusche un Strammstonn entstellt
Wo mer Hymnen om Kamm sujar blööß
en barbarischer Gier noh Profit
'Hosianna' un 'Kreuzigt ihn' rööf,
wemmer irjend ne Vorteil drin sieht
ess täglich Kristallnaach







Captcha
Das Lied von Bap wird Ihnen von Lyrics-Keeper angeboten. Widget kann als Karaoke zum Lied Bap Kristallnaach benutzt werden, wenn Sie die Moglichkeit haben, den Backing Track herunterzuladen. Fur einige Kompositionen ist die richtige Ubersetzung des Liedes zuganglich. Hier konnen Sie auch die Ubersetzung des Liedes herunterladen. Wir bemuhen uns, den Text zum Lied moglichst genau zu machen, deswegen bitten wir Sie um eine Mitteilung, falls etwas im Text zum Lied korrigiert werden muss. Wenn Sie das Lied Bap Kristallnaach kostenlos im MP3-Format herunterladen mochten, besuchen Sie bitte einen von unseren Musiksponsoren.